വായനശാലയെ കുറിച്ചു പറയുമ്പോൾ നിങ്ങളുടെ മനസ്സിൽ ആദ്യം കടന്നു വരുന്നതെന്താണ്?
ആദ്യമായി ലൈബ്രറിയിൽ പോയ ദിവസം,അല്ലെങ്കിൽ ആദ്യമായി ലൈബ്രറിയിൽ നിന്നെടുത്ത പുസ്തകം, കളഞ്ഞു പോയ ലൈബ്രറി പുസ്തകം, അതുമല്ലെങ്കിൽ നാട്ടിൽ ആദ്യമായി ലൈബ്രറി വന്ന ദിവസം.. വായനശാലയിൽ നടത്തിയ നിരവധി ചർച്ചകൾ,പദ്ധതികൾ,അന്വേഷണങ്ങൾ.അങ്ങനെയങ്ങനെ ഓർത്തിരിക്കാൻ തക്കവണ്ണം എന്തെങ്കിലുമൊക്കെ ഉണ്ടാകില്ലേ?
ഗ്രന്ഥാലോകം 2020 ജനുവരി ലക്കത്തിൽ എന്റെ ഗ്രന്ഥശാല എന്ന പംക്തിയിൽ അർഷാദ് ബത്തേരി എഴുതിയിരിക്കുന്നു, പുസ്തകം വായിക്കുന്നവരെല്ലാം നടന്നു പോകുന്ന വായനശാലകളാണെന്നു സങ്കല്പിക്കാറുണ്ടെന്ന്.
ആരാധനാലയങ്ങൾ പുതുക്കി പണിതും, ഭയപ്പെടുത്തിയും, ഉയരത്തിൽ കെട്ടിപൊക്കിയും, ലഹരി നുകരുന്ന ഒരു സമൂഹമായി നമ്മൾ പെരുകുന്ന കാലത്തു വായനശാലയുടെ അനിവാര്യതയെ കുറിച്ചും മുക്കിലും മൂലയിലും പുസ്തകങ്ങൾ വായിക്കാനുള്ള ഇടങ്ങൾ ഒരുക്കേണ്ടതിനെക്കുറിച്ചും നാം നിരന്തരം ഒച്ചവെക്കേണ്ട കാലമാണിത് എന്നു കൂടി പറഞ്ഞു വെക്കുന്നുണ്ട് അദ്ദേഹം. കൂടാതെ അദ്ദേഹത്തിന്റെ നിറം മങ്ങാത്ത വായനശാല ഓർമകളും പങ്കു വെച്ചിട്ടുണ്ട്.
പങ്കു വെയ്ക്കാമോ സ്വന്തം വായനശാലയെക്കുറിച്ചുള്ള നിങ്ങൾക്കുള്ള അനുഭവങ്ങൾ?
എഴുത്തുലോകം 